இப்போதே கேட்டுவிடு

என் பின்னே சுற்றுவது ஏனென்று

இப்போதே கேட்டுவிடு...

தாமதிக்க தாமதிக்க

என்னிடம்

காரணங்கள் அதிகமாகிவிடக்கூடும்..

நம்பிக்கையோடு

இங்கிருந்து சென்று விடுங்கள்
என்று சொல்லி விட்டு
வேக வேகமாய்
நடந்து செல்கிறாய்..

நீ சென்று விடு என்று
சொன்ன இடத்தை விட்டு
அகல முடியாமல் நின்று கொண்டிருக்கிறது
என் இதயம்..

பொய்யை மறைக்க தெரியாமல்
திரும்பி பார்ப்பாய் என்ற
நம்பிக்கையோடு..